官非纏身的謝霆鋒，今日會再度為涉嫌串謀妨礙司法公正案上庭，前晚中秋節他與父母在家吃雲吞度佳節，其父謝賢更指他「食得又瞓得」。而霆鋒舊愛王菲前晚則盡顯母愛，為女兒童童在家搞中秋派對，以大閘蟹招待好友，齊齊點燈籠。
謝賢（四哥）和前妻狄波拉（拉姑）前晚先後到兒子謝霆鋒的裕景花園寓所，一家三口團圓度中秋。四哥表示他雖然吃過飯才到霆鋒家，但他們仍齊齊吃了傭人準備的雲吞做消夜。
四哥前晚約於九時抵達霆鋒的寓所，而拉姑則在兩名菲傭陪伴下乘的士到達，兩名菲傭手中均拿着以大閘蟹馳名的老三陽店舖紙袋。不知拉姑與四哥是否知道兒子近日受官司影響心情，所以在中秋佳節當晚，特別在霆鋒家中陪伴他一段長時間才離開。
霆鋒今日會再為被控串謀妨礙司法公正一案出庭審訊，四哥和拉姑都表示一定會陪伴愛兒左右作支持。記者昨日致電問四哥，霆鋒在中秋假期休庭的兩天，心情和胃口如何時，四哥說：「佢冇嘢，心情幾好，食得又瞓得。」
前晚中秋佳節，四哥可有特別跟霆鋒慶祝？他說：「冇噃，我哋都有傾偈，重食咗工人準備嘅雲吞做消夜，玩到凌晨三點幾先走。」
連日來四哥陪同霆鋒上庭時，都穿上同一套筆挺的西裝，他對此說：「嗰套係我一年前買嘅GiorgioArmani西裝，呢套衫係我嘅衣櫃裏最正經嘅一套衫，為咗尊重個場合，我咪着呢套衫去。不過我覺得自己着呢套衫係最冇型嘅，我聽日（即今日）都會着番呢套衫，其實我事前都冇同拉姑夾過着乜嘢衫。」
另一方面，霆鋒舊愛王菲早前因霆鋒與張栢芝再度同遊泰國，結果決絕地與官司纏身的霆鋒分手。前晚人月兩團圓的中秋佳節，沒有愛情滋潤的王菲同樣過得開心快活，因為她與寶貝女兒竇靖童（童童）及一班好友在家中吃月餅和大閘蟹過節，好不熱鬧。
王菲一向喜歡吃大閘蟹，前晚特別以此在家中招待好友同度中秋。記者昨日致電給王菲的經理人公司負責人邱王黎寬，她說：「阿菲留喺香港過節，噚晚中秋佢同個女及朋友一齊過節。阿菲心情好好，已經唔會再受其他事影響佢嘅心情，台灣報紙寫佢唔使同『大話情人』過中秋，又似乎寫得幾生鬼喎！」
生於北京的王菲，小時候原來從沒慶祝過聖誕及中秋等節日，只重視農曆新年，不過因愛女童童在香港長大，女兒要過中秋節，要玩燈籠，愛女情切的王菲自然盡量滿足童童要求，在中秋節當晚將家中的氣氛搞得熱熱鬧鬧。
採訪：比華利、陳月媚