所謂樹大招風，自從小伏做咗阿松司長夫人之後，新聞一直未停過，有關佢嘅報料密函更加滿天飛，前日八方就收咗一份女仔字迹嘅信，大篤小伏背脊。
告密人自稱係小伏嘅「閨中密友」，由細到大同佢一齊接受訓練，重話今年初曾經同小伏一齊嚟香港參加宴會見過阿松。告密人爆料話，喺嗰次宴會上小伏已經好心儀阿松，重話好希望識到阿松！告密人重話，小伏最近又叫佢唔好隨便打電話嚟，因為唔係咁方便咁話。告密人話好唔開心，所以一於篤佢出嚟咁話，總之八方就聞到一股酸味。
八方周不時都會收埋呢類報料電話，都唔知去邊度查證，阿松兩公婆又成日話私人問題唔回應，不過呢類是非傳聞太多唔係好事，對司長同夫人多少都有損害。
傳真︰2623-9278
電郵︰