馬時亨道歉風波，暫告一段落；八方得知，新聞處處長蔡瑩璧（圖）已正式向記協等就只選擇電子傳媒發布消息一事致歉，其實處長當日並不知馬仔嘅馬仔搞出個咁嘅大頭佛，但身在其位，做錯就要承擔，點可以側側膊？處長今次做得好過局長多多聲。不過，八方覺得有「頂包」之嫌。
八方有日同何志平局長提起政府總部個「實Q」頂住度門唔畀記者入一事，何局長話佢自己都領教過，原來佢初初做官時，返政府總部，個「實Q」哥哥都唔畀佢入，結果要由新聞秘書擔保至「返得工」。聽佢咁講，呢個「實Q」哥哥又唔係咁可惡噃，起碼佢一視同仁，唔會大細超。
傳真︰2623-9278
電郵︰