早前環球唱片高層陳少寶曾下令不准旗下藝人與MusicNation的蕭正楠合照，前晚記者試圖邀請環球的麥浚龍（Juno）與蕭正楠合照不果，不料李克勤更拒絕與Juno扯上關係。
前晚在沙田運動場舉行的無綫節目《沙田迎月樂安居》，李克勤、梁詠琪、張燊悅、蕭正楠、麥浚龍（Juno）、關心妍和陳文媛等做表演嘉賓。早前環球唱片高層陳少寶曾下令不准旗下藝人與MusicNation的蕭正楠合照，前晚記者試圖邀請環球的Juno與蕭正楠合照，但給Juno的保母阻止。
Juno說：「其實我唔介意，但我排緊舞，唔想咁刻意影相。」蕭正楠則說：「我只會做好自己，人哋做乜唔使理，我冇覺得俾人孤立，我同Juno唔可以話冇偈傾，我曾經同佢講，話佢跳舞幾好，只係佢唱片公司有問題啫。我冇主動同人打招呼，係驚唔知人哋點諗啫。」
此時與Juno同屬環球唱片的李克勤亦在現場，記者指克勤和Juno同場，不如提點一下Juno，克勤即時說：「我唔係同Juno同場，我係同GiGi（梁詠琪）同場。」此說似乎嫌棄Juno，克勤續說：「我同佢傾唔夠十句嘢，我冇嘢講，你哋唔好搞我啦，叫佢同蕭正楠合照啦！」
此外，劉德華位於加多利山的寓所放盤，被周刊入內拍照，屋內竟有不少小女孩的照片，克勤說：「我本來諗住放盤，但連華仔道行咁高都發生咁嘅事，我都係要諗諗先。」
採訪：楊潔雯
攝影：仇志德