楊千嬅昨日出席新城在錦田舉行的「捷榮．新城．悠然空間」暢遊音樂農莊活動，千嬅與一百名歌迷跳竹舞及齊齊耕種。
有傳千嬅與鄭中基秘密復合一個月，對此她說：「咁堅呀？真係唔使曬都成頭汗，真係冇嘢好講，年年都會寫我一次，呢個時勢係興呢啲嘢，講咗好多次係好朋友關係好耐啦！我諗因為我平時生活好低調先有人想知。」
另一個有關千嬅的傳聞，就是她被陳奕迅拋棄屈辱六年，她說：「咁大鑊？真係未聽過，重『杰』過煲蠟，久唔久有人咁寫，不過我都算係寫得少嗰個，真係好似公務員輪櫈仔，就當係訓練我EQ同內涵，做藝人係食得鹹魚抵得渴，惟有以後言行謹慎啲。」