九人女子組合Cookies、英皇三T小花鄭希怡、劉思惠及蔣雅文等人，昨日分別出席「少林奇技迎彩月」活動，與兩名少林弟子切磋，但各人均有姿勢冇實際。Cookies又表示為了搵錢，不能與家人賀中秋。
九人女子組合Cookies、蕭正楠、Shine、三T小花鄭希怡（Yumiko）、劉思惠（Maggie）及蔣雅文（Mandy）昨日分別往馬鞍山廣場和紅磡漁人碼頭商場出席「少林奇技迎彩月」活動，現場有兩名少林弟子表演少林功夫。
當少林弟子表演完畢後，Cookies和蕭正楠拍案叫絕之餘，主持人更要求Cookies表演功夫，Cookies眾成員手拿着刀劍，擺出各種姿勢，又你推我讓，最後Kary和Angela被其他成員推薦模仿少林弟子耍功夫，但二人未能達到要求，惟有表演側手翻。
Cookies又表示今年中秋因工作未能與家人度佳節，但有不少搵錢機會，她們說：「我哋有四個活動要做，之後重會上船表演㖭。」
另一邊廂的Yumiko、Maggie和Mandy雖然亦被要求做出各種動作，但三人都只是拿起劍和雙節棍擺甫士影相。昨日Mandy二十歲生日，大會為給Mandy驚喜，在活動完結前送上生日蛋糕，她又到台下與歌迷合照，Mandy說：「真係好驚喜，好開心，生日願望係想隻新碟賣得好。」
問Mandy如何慶祝？她說：「我都未知呀！因為我生日成日都接近中秋節，所以我啲朋友成日都唔記得我生日，淨係記得中秋去邊度玩。」其後，三小花往旺角和陳奕迅一同出席活動，Mandy的歌迷又大聲唱生日歌給偶像聽，令她相當感動。
採訪：胡比、王連連
攝影：陳志嵐