前晚中國會慶祝十一周年紀念，搵咗國際知名小提琴家陳美（VanessaMae）即場表演，吸引MaggieQ、梁煒等捧場，東亞銀行主席李國寶緋聞女友廖碧欣都有出席，重心情大靚咁企定定任影唔嬲，搞到路過嘅外國人以為佢係明星。原先廖碧欣鬼咁nice問在場嘅人有冇食月餅，不過轉頭有人唔知攞景定係贈興，竟然問佢會唔會同李國寶度中秋，搞到佢大小姐即時面黑黑走人，八方心諗，過時過節，住家男人梗係陪老婆仔女㗎啦，啲人咁樣問法，又難怪廖小姐佢咁㷫嘅。
﹙圖﹚被問到李國寶，廖碧欣即時面黑黑走人。
傳真︰2623-9278
電郵︰