八方之前講過一次，政府高官嘅出身就好比美酒，非常講究出產地同年份，𠵱家嘅問責局長多數係七十年代初嘅港大畢業生。港大將於下月底出版一本囊括建校九十年來，千多名威水校友資料嘅紀錄。
港大話其實九十年來，一共有九萬幾人讀過港大，但掛一漏萬都無法避免。本書選擇嘅千幾名港大知名校友，分成幾個範疇，如政治、經濟、文化、教育等（見表）。
書中有每位校友嘅基本資料，好似畢業年份、科目、同埋點解入選呢本書。
八方平時做親有關猛人嘅古仔，最頭痛就係要摷齊佢嘅資料，𠵱家有港大官方呢本最權威嘅校友指南，可以慳唔少工夫啦。
傳真︰2623-9278
電郵︰