葉璇九九年參選「國際華裔小姐選舉」奪冠後，便加入了無綫，近年備受力捧，工作接踵而來，繼剛播完的電視劇《再生緣》後，《流金歲月》緊接播出，現時則忙於為新劇《衝上雲霄》開工。
葉璇在《再生緣》中首次反串，演繹這角色更大受讚賞。她說：「我覺得自己天生有演戲嘅感覺，雖然我閱歷唔深，但我好容易投入到角色。」葉璇表示演每個角色都有所得着，她說：「《再》劇入面嘅孟麗君同我性格其實好唔同，所以拍完呢套劇後，我嘅本性都受到角色影響，最後兩者合而為一，我重變得冇咁怕醜㖭。」
葉璇早前因為拍攝無綫劇集《雲海玉弓緣》時，不慎弄傷腰部，她返回紐約的家休養了一段很長的日子。其間葉璇曾萌生退出的念頭，她說：「喺嗰一刻，忽然好想退出，想重返校園繼續讀書。我感到好迷惘，我只係覺得喺生命藍圖裏面，我要好貪心試好多嘅嘢。」葉璇遂向經理人無綫提出自己的意見，但無綫二話不說就全力挽留葉璇，並立即跟她多續約兩年。
既然要留下來，葉璇就決心要做得更好，她不想辜負身邊支持她的良師益友。