2400萬嘗設計師
碧咸出DB07童裝被彈！

英國萬人迷球星碧咸（DavidBeckham），早前與馬莎百貨簽訂合約，設計一系列以其名字縮寫及七號球衣命名的「DB07」男童服裝。
碧咸前日在英國舉行戶外發布會，還請來大班小朋友作模特兒，令記招忽變遊樂場。

自詡有觸覺
碧咸對自已的處男作信心十足，他說：「我想設計一系列你冇諗過喺馬莎買到嘅衫，小朋友着住就會覺得好開心。」他更強調自己甚有設計觸覺：「唔好以為設計童裝好簡單，其實佢哋件件都好有details㗎！」

小Fans拒着
據傳被馬莎百貨以二百萬英鎊（約二千四百多萬港元）利誘當設計師的碧咸，設計了T恤、外套及功能褲等男童便服，適合四至十六歲男童穿着，早前碧咸還替「DB07」拍攝了一輯硬照，全力宣傳。
但這批服裝早前在雜誌中曝光後劣評如潮，連視碧咸為偶像的小朋友也拒絕着「DB07」系列，並謂穿了其設計的童裝十足一名鄉下仔。
不過由於價錢相宜，預計這批童裝由今天起在全英馬莎百貨發售時會大受歡迎。而未來三年，碧咸還會為馬莎再設計多五個服裝系列。