全球遊戲界盛事之一嘅東京遊戲展在今天正式開鑼，由於今屆首度將舉辦時間縮減到每年一次，各方廠商在充足準備底下，已蓄勢待發盡Show旗下新Game，尤其PS2面對來勢洶洶嘅XBOXLive，當然不甘示弱，將多款勁作盡情展示，力保其一哥地位。
記者、攝影：徐影龍
明顯地SCEI今次在畫風方面下了不少心機，在試玩一段的村落裏，可行走範圍極之廣闊，而且建築物設計甚有歐洲色彩，能營造出一份夢幻嘅感覺。迷宮方面為自動形成，戰鬥時則以玩家操控發出必殺技、魔法等攻擊，屬動作RPG類型。
11月28日發售
在四年前推出時大受好評之桌面遊戲，嚟到PS2推出續篇，當然會加入不少新玩法，最特別係好似《電腦花火》般加入連鎖引爆系統，令舊有玩家都需要鑽研連鎖技巧，據知重可開啟隱藏模式，玩番之前舊有嘅兩個版本，一大班人開Party最啱。
冬天發售
SCEI唔係得《GT》系列做得出色，呢款《F12002》製作上都頗認真，賽車設計像真度極高，而且製作賽道時係以衞星攝影及CAD數碼資料作運算，能真實重現路面那種起伏感。
10月10日發售
NAMCORPG嘅新嘗試，加入獨特嘅戰鬥系統，我方隊員集結精靈及同伴後，便可自由排出陣式，輪流攻擊敵人，增添不少戰略性，至於畫面方面亦標榜夢幻同華麗嘅感覺。
發售日未定
《Talesof》系列在RPG一向獲得重視，最新作亦繼承過往華麗畫風及動聽主題曲等特色，在戰鬥上則大大改良，加入隊員合力作出連鎖攻擊系統，令玩家感受到極之爽快嘅感覺。
11月28日發售
遊戲玩法簡單，只需跟拍子敲擊鼓身便可，同期會有一專用鼓推出，不過由於專用鼓以膠製造，試玩過後發覺聲響頗大，又欠缺擊鼓時應有嘅低音。
10月24日發售
史詩式RPG大作續編，今集內容收錄七大故事，相當之長氣，畫面及戰鬥系統亦經過改良，必殺技極之有氣勢，聖誕必Hit之作。
12月19日發售
SQUARE跟任天堂重拾舊歡後第一作，畫面已拍得住PS版，玩落亦能在GBA上感到原有風味，兼且節奏爽快。
冬天發售
畫面超靚嘅動作Game，女角設計甚有《DeadorAlive》風味，主角以一個綁住鐵鏈嘅盾牌作多樣化攻擊，連背景場地都可盡情破壞，某啲關卡亦需靠鐵鏈作移動，動手之餘亦需動腦筋方可過關。
12月5日發售
呢隻Game在港都有唔少Fans，相比《心跳回憶》唔會差好遠，新作雖屬移植版，不過畫面解像度大幅提升外，重改為全中文顯示，對於香港Fans嚟講絕對係好消息。
12月發售
估唔到DreamCast版推出後先到PS2，今集移植度同樣好高，連續技及動作表演冇失真，而且在PS2版中加入過往咁多集嘅影像回憶，Fans必買。
11月28日發售
能在街霸及拳皇底下，《GUILTYGEAR》系列亦能受機迷歡迎，當中最大原因係其卡通化畫風及華麗嘅必殺技，新作《GUILTYGEARXX》更在一擊必殺技上大做文章，中招者直頭好似睇緊短片咁有排歎。
12月12日發售
ENIX除咗《勇者鬥惡龍》系列出名，旗下嘅《STAROCEAN》都有不少Fans支持。新作除畫面大幅強化外，城市背景亦非常壯觀，其中一幕便十足《未來報告》般滿天汽車周圍飛。今集戰鬥時會作多重視點轉換，十分有電影Feel。
11月28日發售
在東京遊戲展前一日，SCE特別在赤坂辦公大樓舉行咗一個傳媒記者會，參與者包括香港、台灣、新加坡、馬來西亞及泰國等記者及分銷商，合共四十多人出席。會上除咗展示一堆新Game及預告年尾在香港大搞GameShow外，SCE亞洲區Director安田哲彥先生更談到有關香港PS2設立Server嘅情況。由於目前PS2在港賣出只有22萬部，比設立網絡最低標準嘅50萬部少一半有多，故此今年內並不會考慮設立Server，期望來年PS2銷量突飛猛進，等香港機迷都可擁有自己嘅Server。