香港零售市道真係唔掂，已息影多年、曾是當年無綫五虎將之一的苗僑偉（圖），將佢間藝視眼鏡賣咗畀高登眼鏡。藝視分店有成五十間，高登自己都有三十一間，加埋之後，高登即時做咗香港賣眼鏡「一哥」。藝視𠵱家有三百員工，新老細講所有員工將全部「過檔」高登，苗僑偉亦以顧問身份助陣。
記得苗僑偉在七月接受電台訪問時話，藝視眼鏡經過佢十五年嘅努力，喺隱形眼鏡市場嘅佔有率有兩成半，穩佔一哥地位；有框眼鏡都有兩成佔有率，唔係第一，都係第二大。估唔到做到咁都要賣盤。其實，佢接受電台訪問時已經話自己唔係咁好搵，因為要捱貴租，佢重呼籲大地產商啲大商場減租，同大眾共度時艱。
傳真︰2623-9278
電郵︰