向來走高性能房跑車路線嘅富士LegacyRSKB4，早前為應一個特別盛會，代理特別從日本運來一部Blitzen特別版，賣相不僅惡形惡相別具跑車氣息，以及演繹出一份獨特個性外，而且重予人有一份尊貴感㖭！
記者、攝影：陳偉林
新車售價：$268,888（標準版）
車輛提供：意美汽車（23968380）
雖然部車以房跑車為路向，惟置身其中仍感受到一份寬敞舒適度，加上前後排座椅妥貼兼具承托感，好有轎車風範之餘，四門隔熱電窗、門邊電鏡，重有原廠電天窗、恒溫冷氣同高級音響組合，同樣教人有愜意味道㗎！
今趟呢部LegacyRSKB4咁受注目，主要係佢裝有全套Blitzen專利包圍及氣霸，加上尾定翼及尾喉裝飾，重有四輪PorscheDesign嘅17吋跑車合金軨配搭，還有一身黑底附有金粉閃爍嘅車身色調，自然更添有一份誘人魅力㗎！
合計：$51,945（註：裝工另計）
呢部LegacyRSKB4響同級車中獨有一台2.0公升水平對向四汽缸DOHCTurbo偈，性能輸出強悍無匹之餘，難得低、中轉表現寧靜順滑，匹配上4前速半自動波裝置，還有一套恒式AWD四驅系統，令操控倍見得心應手富駕駛樂趣外，走彎嘅循迹性之高，更教人留有深刻印象；四輪高效能碟式制動，另附有ABS連EBD裝置，一份安穩可靠感更係毋庸置疑㗎！