名模Rosemary前日二十一歲生日，昨日她出席公開場合時，責男友Gordan只送銀包，又沒有和她出去玩。而Gordan前晚曾公開表示會送風褸給女友作生日禮物，但Rosemary昨日卻表示沒有收過。
名店上海灘前晚於中環店舉行秋冬fashionshow，多位外籍模特兒包括AnaR.、LisaS.及一名黑人模特兒示範中國味極濃的唐裝，西方面孔女模穿上唐裝，別具特色。
前晚出席欣賞fashionshow的嘉賓包括混血名模Rosemary及其母Julie、楊其龍和鄧永鏘等人。前日是Rosemary的二十一歲生日，但她卻大歎傷感，她說：「我到現時為止淨係收到祖父母寄嚟嘅生日卡，同埋長途電話祝賀，夜晚就會同屋企人食飯慶祝。」問Rosemary其男友Gordan有甚麼行動為她賀生日？Rosemary撒嬌說：「佢淨係留說話喺call台，到𠵱家都冇實際行動，我當然希望佢幫我搞個party慶祝啦。」問她大一歲，今年生日與去年有甚麼不同？她說：「咪多咗個男朋友囉。」
前晚Gordan和徐子淇在尖沙嘴行show，他曾表示會選購一件價值七百九十九元的風褸送給女友作生日禮物，但Rosemary昨日出席STARJEWELRY開幕禮時卻表示沒有收過風褸，難道Gordan只是得個噏字？風褸又送給誰呢？
Rosemary昨日說：「因為我要做嘢，Gordan又同屋企人食咗飯，所以我哋只係去咗飲嘢。我本來想出去玩，但係佢話想靜靜哋兩個人過，我同佢第一次過生日，而且係二十一歲生日，應該好大件事，我重以為佢會有個驚喜派對畀我。我要努力工作，搵到錢開一個派對畀自己。不過Gordan都送咗個LV銀包畀我，因為我早排唔見咗銀包。」