早陣子，亞Mark話過部好Cute嘅城市小車Smart，代理商仁孚行會響9月左右正式推出，但至今仍未見動靜，唔單止令好多車迷焦急起來，而且重引來車行中人唔少猜測㖭！而亞Mark最近就打聽到，由於籌備需時，據知代理快者都要等到10月中或11月初，才會正式推出部Smart同Smart開篷小車。至於車價方面，雖然早前有水貨商引入咗Smart抵港，重標價成20萬；惟代理響價錢定位方面，聽聞硬頂Smart不過15萬上落，屆時重會有一系列Smart嘅精品同時裝推出，形式會跟歐洲嘅Smart代理相若。講到新舖嘅選址，跟亞Mark早前猜測嘅地方好脗合，距離𠵱家平治響銅鑼灣利園嘅Showroom近在咫尺，大家不妨留意吓人多車多嘅禮頓道喇！