中秋前後，柿亦開始當造，所以柿亦成為中秋應節時果。最近搵到嘅有腍柿，佢係澀柿嘅一種，由於佢略呈方形，所以又叫方柿。腍柿雖然略帶澀味，但其實只要剝去外皮，食味一樣正，而且佢勝在價廉，比富有柿更抵食。
今年啲腍柿平均兩個幾一個，都算平。腍柿肉質腍滑，食味甜，最啱老人家食，我就最鍾意佢嗰種質感，腍滑之中帶有少少爽口。
$2-$2.5/個 部份果檔有售
明日就是中秋節，應節水果已經相繼登場，除水晶梨外，楊桃亦係中秋作為飯後果。楊桃有嚟自唔同嘅地區，新加坡、馬來西亞、台灣均有出產。本港搵到嘅多為台灣及馬來西亞楊桃。台灣楊桃色澤金黃、較大隻、稜邊較圓同用膠袋包裝嘅，比較抵食；馬來西亞楊桃則較細隻，稜邊較尖同色澤較青。楊桃食味清甜，更有助消化作用，食完甜膩膩月餅，食佢啱晒。
$2-$3/個 各大果檔有售