公務員人工被減在即，雖然噚晚國慶酒會表面氣氛尚算融洽，不過暗湧唔難感受到。
典禮開始，酒會召集人彭達材致辭都強調要上下一心，不過到咗公務員事務局局長王永平致辭就相當搞笑。因為王局長忽然改用普通話發言，話要鼓勵每一個公務員學好普通話。不過台下有公務員對「公務員之首」嘅普通話竊竊私語，雖然兩次鼓掌，但私底下笑說：「拍手掌係畀機會王局長唞吓氣」。八方聽到王局長講到鄧伯伯嘅一國兩制構思「帶膽創新」(大膽創新)，又希望港人培養「國揸」(國家)觀念，都佩服王局長示範「廣式普通話」嘅勇氣。
（圖）公務員團體昨舉行國慶酒會，眾高官舉杯祝酒。
傳真︰2623-9278
電郵︰