政務司司長曾蔭權上海之行第二日，戲肉係參觀磁懸浮列車。上海市政府都算有新思維，用成一百億人民幣引入德國技術，設計出由浦東國際機場去到龍陽路地鐵站的磁懸浮列車。呢部列車快到飛起（用磁力連接列車及路軌，真係飛起咁行），時速四百三十公里，由機場到市區的三十公里路八分鐘就搞掂，明年初試車，好快就有得搭。
咁爽嘅服務香港暫時未有，煲呔話家陣重研究緊區域快線會唔會用咁先進科技。呢項投資成百億，都唔係嘢小，港府無上海市政府咁豪，話起就起，超英趕美。不過，有份參觀嘅官員私下同八方講，呢味嘢連發明嘅德國佬自己都未敢用，港府都係睇真上海呢隻「白老鼠」先至決定。
（圖）曾蔭權昨日在上海參觀磁懸浮列車。
傳真︰2623-9278
電郵︰