謝霆鋒昨日為涉嫌串謀妨礙司法公正一案，往西區裁判法院上庭，是吉是凶仍是未知之數，反而盛傳與霆鋒復合的張栢芝卻心情極靚。栢芝前晚在無綫《娛樂大搜查》的訪問中，大談她與霆鋒復合的傳聞。
日前有周刊指栢芝與霆鋒舊情復熾，本月初以「霆鋒嫂」身份，主動相約霆鋒圈中多位好友如蘇永康及何超儀等開派對。栢芝在前晚的訪問中澄清說：「其實真係好想解釋一下，因為當時我同我細佬去，跳跳吓舞嘅時候，有個朋友撞到我，就帶咗我入房，因為大家都識嘅，所以就一齊走啦。」
栢芝續說：「當日好多香港記者喺度，我知道影咗相第二日就會出報紙，但係連續幾日都冇報紙出，就知道佢哋係有計劃地唔出報紙，將嗰啲相用嚟砌故仔。基本上我係識佢哋，但係就冇佢哋任何一個人嘅電話號碼。」但其實當天在場拍照的只有周刊記者，直到周刊出街後，才有報紙的跟進報道。
近日栢芝與霆鋒的復合傳聞鬧得熱烘烘，被稱為「霆鋒嫂」的栢芝談到此事卻表現得十分風騷，她說：「唉！我係掃把咋，邊係霆鋒嫂呀！」
而對於霆鋒昨日上庭，栢芝表示會全力支持，她說：「我覺得應該係冇事，因為霆鋒好勇敢，真係好勇敢，無論發生乜嘢事都好，一路向前行，面對人生，OK㗎啦！」問栢芝會有甚麼支持行動？她則甜絲絲地說：「在心中。希望冇事啦，一定冇事嘅！」