陳豪自感有豬腩肉太肉酸，為免被人恥笑，他決定積極減肥收身。早年他因瘋狂減肥而患上厭食症，故陳豪亦提醒大家keep弗也要量力而為。
減肥絕不是女性專利，對男士而言亦同樣重要，如模特兒出身的陳豪，近日正為減去豬腩肉做運動keep弗。而他更喜獲「星級教館」贊助整個減肥療程，令他省卻不少。
一向注重健康的陳豪，早前因要拍古裝劇，希望穿上古裝戲服時好看一點，於是刻意增肥，但現在他接拍無綫時裝劇《回到未發時》，要穿回時裝的他，看來難免較為「大件」，尤其他的豬腩肉，相當明顯。陳豪日前在中環「星級教館」做健身運動時說：「俾人話我有豬腩肉，真係覺得好肉酸，所以我希望減咗個肚腩去。」
陳豪認為健康便是財富，若然趁年輕開始做運動keep弗，將來便毋須太辛苦，陳豪說：「起碼年紀大咗，病痛都少啲，好多女性貪方便食藥減肥，我就主張健康自然。我記得以前為咗減肥而瘋狂做運動，每日做三、四個鐘，結果搞到患上輕微厭食症，見到乜都冇胃口，瘦到塊面連青筋都現埋，個樣好難睇，條腰由三十四吋瘦到二十八吋，所有衫都唔啱着，所以就算要減，都要一步步嚟，千祈唔可以心急。」
現時陳豪除了有一位專業教練Wallace作專人指導外，更有營養減肥專家、減肥心理學家和瘦身保母悉心照料，認真大陣仗。
採訪：戴彩煥
攝影：仇志德
化妝：姬絲
髮型：KeithWong（HairSixtyone）