「估唔到咁耐大家重記得我哋，呢筆錢慳慳哋都夠用幾個月，暫時會儲起，留番嚟應付屋企嘅生活開支，𠵱家冇收入，每個月淨係交雜費同埋兩個仔嘅教育雜費開支都要幾千蚊，唔慳點得。」四十六歲的阿嬋慨歎地說。
五十五歲的司徒玉麟任職電器技工多年，早前在機場空運貨站的危險品貯存庫工作時，吸入有毒氣體死亡，遺下阿嬋及兩名分別十五歲及十三歲兒子。失去家庭的經濟支柱，面對一家三口的生活開支，令她感到彷徨無助。蘋果日報慈善基金了解他們的經濟困境後，早前從「殮葬專戶」撥款一萬五千元，以解燃眉之急。及後她接獲讀者捐款二萬二千元，近日，她續獲第二筆捐款一萬四千五百三十元。
「之前洗衣機同埋水喉壞咗，搵人嚟整又要畀幾百蚊；為咗慳啲錢，𠵱家每買餐餸都係三十幾蚊，希望遲啲可以搵份兼職，幫輕負擔。日後嘅生活都唔敢諗咁多，惟有見步行步嘞。」她無奈地說。
丈夫去世已有一段日子，阿嬋表示，三母子的生活已開始習慣下來，現依靠僅餘的積蓄過活，須節衣縮食。目前她正忙於就丈夫工業意外向其公司追討賠償，她盼能盡快解決事件。
捐款編號：C0523
暖流熱線
電話：29908688
傳真：23702192
電郵：
網址：