謝霆鋒被控串謀妨礙司法公正案昨日開庭，該案的「污點證人」成國定在庭上提到，原本想找陳奕迅的前助手胡波做頂包司機。但陳奕迅昨日聽聞此事後，卻激動地不肯作正面回應。據知胡波在四個月前已離職英皇，而霆鋒的新歌《巴斯光年》亦是由他作曲。
謝霆鋒被控串謀妨礙司法公正案，昨日在西區裁判法院開審。霆鋒在雙親謝賢和狄波拉（拉姑）陪同下出庭。今次霆鋒的「頂包案」，由事件發生至上庭都一直備受關注，成為大眾茶餘飯後的話題。
該案的關鍵人物——「污點證人」英皇娛樂公司前司機成國定，昨日在庭上提及原想找一名叫胡波的男子做頂包司機，而胡波當時正是霆鋒好友陳奕迅（Eason）的助手。
Eason昨日在尖沙嘴文化中心出席國慶文藝晚會記者會，被問到有關其前助手胡波牽涉入霆鋒一案中時，Eason反應極大，激動地說：「你（指記者）做乜同我講呢啲嘢，我點解要聽，我聽完都唔會回應，得唔得呀！」
Eason又在記者面前與胡波劃清界線，並反問記者：「究竟邊個係波仔，係咪喺TVB打鼓嗰個波仔？好混淆，我今日（即昨日）病，我係唔會回應，今日得三個字：唔回應。」
其後再問Eason前晚可有致電霆鋒時，Eason說：「唔回應，費事講多錯多，唔講唔錯。」
胡波去年曾在由霆鋒和馮德倫執導的電影《戀愛起義》中演出，四個月前已離職英皇，目前胡波轉任幕後工作，近日曾為霆鋒新碟的新歌《從前．以後》擔任編曲，而陳奕迅的《活着多好》和霆鋒的《巴斯光年》亦是由他作曲。
此外，霆鋒在年前曾與張燊悅合作拍攝無綫劇集《撻出愛火花》，二人更傳出緋聞。早前張栢芝被傳介入王菲和霆鋒的戀情時，張燊悅大肆批評有人好衰和好賤格，事後她解釋自己如此激動是為了維護偶像王菲。
昨日張燊悅在沙田出席無綫節目《沙田迎月樂安居》綵排時，談到霆鋒出庭一事，張燊悅說：「我唔清楚佢上庭，係記者通知我先知。藝人之間要互相支持，佢咁靚仔，我希望佢將來拍多啲戲同唱多啲歌。」
與霆鋒母親拉姑相熟的沈殿霞說：「咁大件事，拉姑梗係會陪霆鋒啦，總之保佑佢順順利利啦！其他嘅嘢，單case未判都唔講住。」
霆鋒前女友盧巧音則說：「我冇特別打電話畀霆鋒，只係兩、三個星期前聯絡過，佢話放假會周圍去。我唔太擔心佢判成點，都咁大個人啦！而且佢都講過有心理準備承擔嘅！我好放心，佢應該有能力應付到。」
被指可趁霆鋒休息期間乘勢上位的余文樂亦說：「我都唔清楚件事，我都冇同霆鋒合作過，而且件案未判唔好講，希望可以快啲完結。」
Twins昨日說：「我哋冇打電話畀霆鋒，因為唔想增添佢煩惱，等件案審完先。」
採訪、攝影：陳梅香、李珮洳、王崇穎