小伏唔入讀中大，如果日日無所事事都會幾悶。噚日體育界國慶酒會，記者見到酒會搞手之一嘅霍震霆（圖），傾傾吓問到有冇發帖請小伏。小霍話今次冇請到，但對小伏嘅居港爭議，佢好有感觸，指回歸後香港嘅國籍問題好複雜，其實小伏嫁咗財爺，已經變咗香港人。
小霍愈講愈興奮，猛話小伏係體育界國寶，遲啲自己會以體育界代表身份，同佢接觸吓，希望佢可以參與香港嘅體育工作。咁咪即係叫財爺夫人教跳水？小霍笑住話呢樣要等適當時間先得。唔通佢收到風，小伏真係有BB，所以先要等「適當時間」先可以做劇烈運動？小霍即刻大叫「攞命」，澄清自己係指人哋啱啱新婚。
傳真︰2623-9278
電郵︰