十一國慶節又到，好多社團都舉辦慶祝活動，但原來有啲活動係內有乾坤。有個老友對八方話，前幾日收到國慶宴會帖，但主人家喺電話講到明，個活動實際目的係祝賀董特首成功連任，重話會搞抽獎，叫佢贊助禮物。老友嗰晚應邀出席，特首果真出現，接受祝福；而席間搞嘅抽獎，啲獎品郁吓都好幾萬蚊，連八方老友都被「揼腳骨」，捐咗份大禮。
呢類掛羊頭賣狗肉嘅慶祝會唔知有幾多，可能係「個別例子」啦。不過噚日八方去體育界嘅國慶酒會，見到董特首喺會場上好high，好多嘉賓都擁住同佢握手。其實用乜嘢名目唔緊要，最緊要係畀面，大家心照囉。
（圖）董建華同即將出發到釜山參加亞運嘅香港代表隊握手。 韋志滿攝
傳真︰2623-9278
電郵︰