超儀、Eason祝福佢！
霆鋒今上庭個個關心

謝霆鋒今日便會為他被控串謀妨礙司法公正一案上庭，他的好友何超儀希望霆鋒能吉人天相，而陳奕迅（Eason）則祝霆鋒好運。陳曉東則表示很難猜測張栢芝會否出席今日的聆訊。

陳奕迅昨早到港台接受訪問，提到好友謝霆鋒今日為被控串謀妨礙司法公正一案出庭，Eason說：「佢個電話成日唔通㗎，我今晚（即昨晚）冇時間搵佢，會打電話畀佢，祝佢好運，希望佢保重身體，長命啲，唔係冇人陪我玩。」
Eason又謂希望到時記者與霆鋒都不要撞到大家的頭，要守秩序。

東東保持沉默
而陳曉東卻不肯多講霆鋒，他昨日出席由聯合國兒童基金香港委員會，在香港國際機場國泰城舉行的「零錢布施」機上籌款計劃，東東說：「表示關心，courtcase（法庭案件）唔想講太多。」
問到東東與霆鋒有沒有聯絡時，他說：「哈哈哈，呢個係courtcase，保持沉默。」再問東東其前女友張栢芝或要出庭，他突然莫名其妙地說：「哈哈哈……呢個謎語太難，估唔到。」
另外，何超儀昨日為BodyShop擔任化妝模特兒，她亦表示會問候霆鋒。而日前Twins的阿Sa表示老闆楊受成是她第二個爸爸，記者問超儀，覺得楊受成與她的賭王父親誰在她心中地位較高？她說：「何生係勤力保養型格，以健康為主，可以攞最佳型格獎；而楊生好有毅力，長時間工作都唔會攰！」

巧遇佐治童子
此外，Eason上周六到上海參與「上海旅遊節開幕音樂會」演出，綵排時巧遇同是表演嘉賓的BoyGeorge（佐治童子），但Eason覺得對方樣子與前大有分別，經主辦單位介紹下才確定他的身份。

何超儀講霆鋒：
「我有fax去支持佢，希望佢吉人天相。霆鋒份人好內向，好鍾意扮勁，重係扮得好犀利嗰種，所以唔會同我講啲乜嘢，如果有日同我講嘅話，咁就一定係好大鑊。」
採訪：李珮洳
攝影：羅德光