顧紀筠和鄭裕玲昨日出席在電視城舉行的《搵工求勝》拜神，只見顧紀筠消瘦不少，問她所為何事？顧紀筠說：「最近媽咪身體差，驗到有腫瘤，喺胰臟開始擴散。好多謝各方好友介紹不同嘅治療方法畀我媽咪，喺呢段時間我都覺得自己唔正常，有好多冇邏輯嘅方法我都叫媽咪去試，我都冇晒辦法，不過最緊要都係病人自己嘅意志。」
亞視昨日亦不約而同在總台為幫人搵工的節目《成工在望》拜神，無綫《搵工求勝》的監製彭濟材質疑亞視此舉有抄襲成份，他說：「係唔係亞視跟我哋？佢哋淨係幫人搵工，我哋幫人搵工之外，重幫人解決問題。」《成》的主持何守信說：「唔寄望高收視，冇娛樂、又冇熱鬧氣氛，或者睇吓有冇感人場面，應該就冇乜驚喜。」