官股賣埋下一季就唔賣，負責管理官股之外滙基金投資公司可謂功德完滿，總算將九八年入市嘅蘇州屎搞掂。呢間公司，當年搵到楊鐵樑（圖）做主席，真係最佳人選，不過禮拜一決定唔再每季賣盈富基金嘅董事會，就唔見楊官現身，亦唔見佢哋開完會後開香檳，只得個「御用發言人」陳鑑林企出嚟見記者。
原來楊官身在外地休假，但佢仍透過長途電話主持會議，以往通常晨早開會，但今次卻五點至開，除咗因為陳鑑林要去立法會出席仙股會議，亦要就楊官在外地嘅時差。至於以後投資公司有冇需要再存在，大家估估，啲官僚習慣係點做？佢哋開咗位會唔會cut番？
傳真︰2623-9278
電郵︰