黎明昨日在尖沙嘴舉行新碟《homework》發布會，還即席播放新歌《BABA》，新力總公司中美區高層專程來港捧場，唱片公司還特地安排四位性感鬼妹招待傳媒。
對於新歌MV被指抄襲多部電影，其中還有性感靚女臀部紋身的大特寫，問到能否通過電檢，黎明說：「唔係特登抄人，只係想將今年暑假黃金檔期嘅電影片段加入去，等人有共鳴。又冇性接觸又冇淫褻，點算係淫褻同不雅，好似電影《三更》中沖涼鏡頭咁，電檢都通過話冇問題啦。」
黎明又謂MV製作費過千萬，其實應將宣傳費計算在內，他說：「淨係香港都用成千萬嘅話，不如淨袋落袋算啦。」
提到黎明與唱片公司快將約滿，有傳黃柏高正招攬他加盟EMI，黎明表示與黃柏高乃好友，但不知對方會效力哪家公司，合約問題會交由經理人公司處理。