「嫲嫲年紀咁大，屋企環境又唔好，我哋根本負擔唔到買部電腦。」三姊妹異口同聲地說。
十八歲的阿儀、十四歲的阿思和十一歲的阿琴，來自一個破碎家庭，父母離異並撇下她們不顧，三姊妹由祖母一手撫養成人。「佢哋好可憐，細細個爸爸媽媽就離咗婚，之後兩個失蹤，我唔理佢哋，重有邊個理佢哋吖。」六十六歲的林婆婆搖頭歎息道。
林婆婆患有糖尿病，須定期覆診，近年與三名孫女靠着微薄的綜援金生活。「我哋份綜援，扣咗屋租、水、電、煤氣雜費，幾個細路返學嘅使費之後，開飯嘅錢得番二千幾蚊，食都唔多夠，莫講話有閒錢買電腦啦！」
就讀中三，現正修讀電腦科的阿思表示：「屋企冇電腦，惟有放學嘅時候借用電腦室，再唔係，就死記啲理論、程式。」同樣要上電腦課的小六生阿琴則要爭取課堂時間，完成所有電腦科的功課，甚感吃力。
林婆婆感阿儀和阿琴已升讀高中，恐防再沒有電腦，會妨礙她們的學業，遂於新學年伊始，致電蘋果日報慈善基金，申請一台電腦。「好希望有善長仁翁幫吓我呢三個孫捐部電腦畀佢哋。」愛孫情切的林婆婆由衷呼籲。
捐款編號：C0687
暖流熱線
電話：29908688
傳真：23702192
電郵：
網址：