愛快自較早前宣布為156及Sportwagon車系推出GTA跑版後，喺月底舉行嘅法國巴黎車展上，佢哋又會展出全新147GTA，以吸引車迷注意。雖然外形大致與現有型號相同，但頭尾泵把連整流器卻屬全新設計，望落予人有耳目一新之感外，襯以四輪新款17吋跑車合金胎軨連225/45R17輪胎組合，一派跑車形象完全表露無遺，而且重有多達10款顏色供選擇，以迎合不同車迷嘅口味。至於車廂布局方面，除設備齊全易用之餘，一雙前排跑車桶椅，亦能為你提供妥貼舒適嘅乘坐享受。
然而，147GTA所配用嘅一台3.2公升V6偈不但動力輸出充裕，匹配跑車化懸掛設定，同埋多套電子系統如ABS、VDC及TCS等輔助，亦能讓新車予人有更可靠嘅觀感。有興趣嘅車迷，就要留意新車確實推出日期喇。