何志平噚日又出巡，今次係去荃灣、葵青區，雖然佢頻頻落區，但係究竟有冇提升市民對佢嘅認知，八方真係唔敢講。事關佢噚日去荃灣美心酒樓，雖然有熱情茶客認得佢，重講笑話叫局長埋單，但係出到街，情況就唔同。
何志平喺一條天橋行行吓，啱啱同八方同事講到自己鍾意食齋月餅，唔想太肥膩時，眼角瞄到一個小朋友，忍唔住走過去摸吓，小朋友媽咪即刻好似識咗何志平好耐咁話：「想生番個仔呀，唔怪得啦！」八方同事好奇，問媽咪係咪識何志平，點知佢話：「識！胡慧中老公嘛！」唉，明星效應真係掂過局長效應！
傳真︰2623-9278
電郵︰