「十一」國慶維港上空煙花再現，年年如是，無乜新意；記得九七回歸嗰年煙花特別多，計一計，回歸煙花滙演就有三十四間公司行號爭住贊助，使咗成億元，但剎那光輝之後，贊助金額大縮水。
每年年中，民政事務總署開始搵煙花贊助商，但次次都要到臨近國慶前，先至東拉西籌，半推半就搵到人勉強認數。今年出錢贊助國慶煙花嘅廣東社團總會，已經先後八次贊助國慶同埋農曆新年煙花滙演，但贊助費就大縮水，從九八年嘅四百三十萬元，逐年減少到今年得番二百五十萬元（見附表）；而放煙花嘅躉船亦由九七年六艘減少至兩三艘，真係一年不如一年。
傳真︰2623-9278
電郵︰