何韻詩（阿詩）前晚在大學會堂舉行「何韻詩新歌發佈會」，其父母也有捧場，駁上長髮的阿詩獻唱了多首新歌，而歌迷更紛紛送上中秋應節禮物，包括碌柚及燈籠等。
阿詩的新碟於本月初已完成，但延至月底才推出，對此她說：「因為要送去德國做母帶，重加咗防盜版技術入去，叫做controlcopyCD，如果有人將隻碟複印，電腦就會死機，所以製作成本貴咗四分一。」
阿詩的新碟亦輯錄了由她親自撰寫的散文，她說：「我會將我二十五年嚟嘅感情生活同埋一啲秘密寫出嚟，其中有啲霧水感情，似有還冇咁啦，唔知點解今年桃花特別旺呀。」問她會否提及緋聞男友劉浩龍呢？阿詩故弄玄虛的說：「同我有關嘅都會有。」
採訪：王連連
攝影：黃文成