合和主席胡應湘近期因為條港珠澳大橋而成為風頭躉，昨日佢去美商會午餐會演講，八方也趕去聽吓佢有乜高見。哥頓（胡之洋名）除了繼續推銷條橋外，又講政治。
一向保守到極的哥頓講明反對二○○七年直選特首，佢話自己亦身體力行，認為委任制冇問題，因此已欽點個仔胡文新繼承父業。
哥頓又話，目前最重要係解決失業問題，因為肚餓嘅人最憤怒。佢話，六十年代內地個個揮動紅皮書毛語錄時，香港人默默苦幹；𠵱家掉番轉，香港成日有人舉牌示威，內地就正起飛；佢認為香港人唔應再在政治問題上嘥時間喎。
傳真︰2623-9278
電郵︰