呢輪啲SUV咁Hit，就正如英國越野路華早前亦運嚟全新Discovery型號，唔單止講Off-road，連帶On-road表現亦有好大改進，以切合汽車潮流嘅要求嘛！
至於佢哋嗰款被譽為係四驅車界勞斯萊斯嘅RangeRover，我哋《車天車地》版嘅特派記者早於今年4月，亦曾遠赴新西蘭實地測試全新型號，當中改用4.4公升V8引擎嘅頂級型號，重予人留有不錯嘅評價㖭，惟至今香港代理仍未有新車到港嘅消息。及後亞Mark打聽過，話右軚版生產量有限，年底前或許會有一、兩部新款RangeRover抵港，定價則為98萬9千；若然你想刪除兩年Warranty的話，車價則為91萬左右；有興趣擁有呢部可用作Off-road嘅全天候勞斯萊斯轎車的話，就真係要耐心多等一會喇！