公開大學啱啱出版咗最新嘅年報，特別發咗一篇新聞稿，話年報裏面有公大嘅威水史，其中一項竟然係：公大冇政府資助，但係連續第七年收支平衡，係本地大學中獨一無二的例子。鬼唔知咩，本地大學淨係得公大無政府資助嘛！
城市大學又發新聞稿，話城大《2000-2001年報》贏得紐約第十六屆國際年報選舉比賽嘅非牟利團體大學組別的優異獎，城大同年嘅《財務報告》就贏得財務資料大學組別嘅銀獎。睇怕最想講嗰句係「城大是唯一在大學組別中榮膺獎項的本地大學」。
八方唔敢話大學「自我吹噓」咁難聽，呢啲叫「向外展示實力」啫。
傳真︰2623-9278
電郵︰