車行職員 犯險救人

車行職員 犯險救人

「突然間聽到『嘭』一聲,好大聲,都唔知發生咩事,重以為冧樓,成班同事咪走出去睇咩事,原來係撞車,重係校巴同埋班細路。」在油站毗鄰的路華車行一名職員講述當時情形。由於情況危急救人要緊,十多名男女同事紛紛放下工作,不顧危險自動趕過去協助,連二樓的同事都一起加入。

各童嚇呆不懂哭
「當時個司機重坐喺度,成個儍咗咁,咪叫佢,你有冇事呀?其他人咪幫手打開太平門,逐個逐個抱啲細路落車,跟住帶佢哋入陳列室。」另方面,部份職員立即打電話報警,幾名男職員就站到油站外指揮交通,避免有其他車闖入;一時間,各人發揮了危急處理的應變精神。
「啲細路當時個個都嚇到儍吓儍吓,都唔識講嘢,又唔識得喊,女同事同個女老師只係同佢哋講,唔使驚,無事㗎,無事㗎,都唔見啲細路好傷,大家先至定番。」他形容看到這些小童沒有嚴重受傷,各同事恍如放下心頭大石。十幾個男女童由老師陪伴着靜靜地坐在陳列室內等候救援。
不久,流動醫療車率先抵達,救護員開始替受傷的小童敷治,大部份只是擦傷了額頭、碰傷了嘴巴,一個額頭淌血的小童忽然間哭了,其他的小童亦受到感染般全都哭將起來,一時間,整個陳列室響徹了哭聲,大家又忙起來安慰,教大群男女職員不知如何是好。有些又嚷着不肯去醫院,令到一班男女同事手忙腳亂。
好不容易才將這群「小天王」逐一送院,這群男女職員又再各自返回工作崗位去。
本報記者