立法會開會大鬧財經事務及庫務局長馬時亨，佢老細財政司司長梁錦松災情無咁嚴重，佢專登同日宣布成立專家小組檢討上市審批權，成功轉移部份視線，今日報紙鬧佢嘅篇幅都會少啲。
仙股事件除咗香港人關心之外，連海峽兩岸傳媒都好有興趣，北京著名的《財經》雜誌，早排就訪問咗證監會主席沈聯濤，不過冇乜勁料。八方聽講遲啲有班台灣財經記者訪港，希望訪問梁錦松同埋馬時亨，了解吓香港監管情況同埋仙股事件。
不過有台灣記者同八方講，佢哋想訪問梁錦松另一原因係佢娶咗跳水皇后伏明霞。而台灣財經界近排最熱爆新聞係有「投資銀行之父」之稱嘅高盛亞洲副董事長宋學仁，與曾經是台灣流行歌壇天后張清芳相戀。其實呢個世界唔單只八方一個咁八卦。
傳真︰2623-9278
電郵︰