早前本欄曾為大家披露過，話福士車廠將會為旗下新版Beetle推出開篷版本，最近廠方終正式公布有關資料，而且重會喺明年初底特律車展上，首度與車迷見面㖭。
新版開篷Beetle外形與現有硬頂型號相近，同樣以圓渾車身線條示人；而軟篷頂更只需輕按控制鍵，便可於13秒內開關，既方便又易用。車廂布局亦會與現有Beetle相近，但後排座椅就設有隱蔽式保護桿，當發生翻車意外時會即時彈出，以保障乘客安全。
另外，廠方會為新車提供有三台電油引擎選擇，馬力輸出由75匹至115匹，頂級版更配有一套6前速Tiptronic半自動波箱㖭。未知香港代理對呢部新版開篷Beetle有否感到興趣，同埋會否將之引入呢？