明星很多時都會打扮得好有型，其實想學佢哋並唔難。咪以為佢哋一定穿着得非常名貴，有時候只要識得mix&match，一樣可以襯得入型入格，好似成日都笑口常開嘅梅小惠，就認為只要手表嘅顏色能夠配襯衣着，就算款式簡簡單單都一樣可以戴得好睇。今次呢個手表開倉，力谷近排上位嘅碎石表，就連梅小惠都被其中三款深深吸引，小記睇過佢嘅心水推介，不禁驚歎一句：「石美果然並非浪得虛名！」
記者：張穎倫
攝影：林栢鈞、陳偉強
小惠認為戴表最緊要戴得舒服，包括視覺同觸覺兩方面。只要自己戴上手後覺得自然就可以，毋須盲目追求名牌同潮流。另外，手表一定要配合衣着嘅顏色，咁就會協調好睇。觸覺方面，我會首先留意表帶嘅舒適性，戴上手要夠貼先夠舒服，如果表帶刮手，表款幾靚我都唔會買。
小惠覺得手表除了睇時間外，還可以用來襯衫，令平淡的衣着加添新意思。佢見到呢隻日本的YUPPIESTOKYO就覺得感覺好新鮮，因為佢採用一表兩帶嘅設計，無論紅色同綠色都可以配襯不同衣服，適合各種場合佩戴，又靚又實際。再加上方形的閃石表款，屬於限量版系列，每款全球限量100隻，戴咗唔怕同人撞表。手表鑲滿過百粒捷克石，貴氣盡現，配上真皮表帶，具有濃濃的古典味。
貨量：50隻
街價：$1,550
開倉價：$980
這款來自歐洲的CESAR手表，時間顯示以羅馬數字上下排列，打破一般以數字顯示的模式，指針指向嘅角度亦同樣清楚，而且係全球限量50隻，零舍矜貴。手表鑲滿捷克石，足足有106粒，出席較隆重的晚宴都唔怕失禮，一表有兩條表帶及有一年保養。
貨量：30隻
街價：$1,680
開倉價：$980
小惠話佢一向鍾意大Size的手表，但這款日本Bocior女裝表，Size細細卻給人高貴的感覺，令佢對細Size嘅表都有少少改觀。呢隻表選用貝殼表面，再加埋兩旁的捷克石相互映照，夠晒高貴，配襯斯文套裝應該會好好睇，隨表重有兩款表帶替換及一年保養，全球限量50隻，𠵱家半價就可以擁有，實在好難忍手。
貨量：50隻
街價：$1,380
開倉價：$650
這款日本Lui's手表，又名空姐表，備有兩地時間顯示，最適合空姐們飛來飛去的生活，皆因表面上下共設兩個時鐘，畀你睇清出發地同目的地時間，唔使成日校表夠晒方便。另外，表背刻有製造日期，可以等你清楚知道手表嘅出產日期。長方形的手表兩旁鑲有28粒捷克石，夠晒閃爍耀眼，一表附有兩條表帶，隨時轉換款式話咁易！
貨量：30隻
街價：$1,800
開倉價：$980
樋口明日嘉係Fans
由日本來港發展的樋口明日嘉，亦是這款表的Fans，鍾意佢表款簡單啱平日出街佩戴，更可Set齊日本同香港兩地時間，夠晒方便。
未必每位女士都喜愛花巧款式，尤其是上班一族，反而鍾情一些比較Classic的表款。來自日本的Golf女裝手表，有夜光及防水功能，圓形玻璃配磨砂鋼，加埋紫色真皮表帶，予人絲絲浪漫感覺，若嫌這種顏色唔多適合自己，更有多種表帶顏色以供選擇，一定有款合你心水。
貨量：100隻
街價：$1,300
開倉價：$580
表盒有心思
為咗要襯番Golf呢個牌子，廠方特地做咗高爾夫球形嘅表盒，連坑紋都做到十足十，夠晒心思又有型。
如果唔鍾意太普通的款式，可以考慮這款日本MERCURY的手表，貝殼表面上的數字以捷克石組成，加上放大鏡式嘅玻璃，就算老花都睇得清清楚楚，夠晒特別。圓碌碌的外形可愛得嚟重有少少Cyber的感覺，襯埋金色表帶，簡直Sharp到暈。
貨量：50隻
街價：$1,800
開倉價：$980
仿鑽石表 男人都要閃
今次開倉除咗女裝表之外，亦有男裝表以開倉價發售，各位女士們不妨揀多隻送畀男友。好似呢款日本MERCURYBoySize手表，全球限量100隻，無論男或女都啱戴，圓形的貝殼表面，有白色及紅色選擇，手表鑲嵌88粒捷克石，頓時為平凡的手表帶來光采，家陣潮流興戴仿鑽石表，就算男仔戴都一樣咁好睇，簡直愈閃愈有型。
貨量：30隻
街價：$1,800
開倉價：$980
唔鍾意太誇張的表款，呢款Golf手表就以簡單的款式及功能取勝，原裝日本的鋼帶手表，三圈計時功能加日曆設計夠晒Basic，表殼用上磨砂鋼，款式簡單之餘又不落俗套，表面除了有黑色外，另備有白、藍及紅色選擇，想做型男唔一定要花巧，簡簡單單已經有型有格。
貨量：100隻
街價：$3,200
開倉價：$980
開倉資料：StarWatch
地址：銅鑼灣景隆街7號顯輝中心12樓全層（前總統戲院對面）
日期：即日起至9月27日
時間：11:00am-9:00pm
查詢電話：28219736