闊別多時「甘仔」甘浩望神父返咗嚟！星期日晚重親身去前綫酒會，席間有位女士捐錢叫甘仔彈結他唱歌，結果甘仔好鬼開心咁一路彈，一路唱首唔知乜嘢中文歌，總之大家唔識喇，之後大家叫甘仔encore，甘仔又立刻唱多首爭取居港權歌，但係今次佢唱咗爸爸、媽媽、姐姐、哥哥就冇再唱落去，因為太耐冇唱，唔記得咗歌詞！
不過甘仔肯定係有心人，佢一上台，就叫大家星期日支持吓強仔、明仔同雄仔個集會，大家奇怪甘仔講邊個雄仔呀？原來係神高神大個梁國雄！
﹙圖﹚甘仔好開心咁邊彈邊唱。
傳真︰2623-9278
電郵︰