噚日中聯辦主任姜恩柱歡送酒會，有成二千六百幾人捧場。阿董、誠哥等政商界猛人都畀面出席，稀客陳方安生都嚟埋。佢哋重順道歡迎由副主任升正嘅高祀仁。
阿董同姜主任發言不約而同大用比喻，阿董將中聯辦喻為「我們的摯友」，話呢位摯友半世紀來對香港「不離不棄」。姜主任則話自己五年前剛來港，已經覺得香港問題似一本深奧嘅書，呢本書更睇極唔完，「是一本在一國兩制方針指引下，不斷增添新篇章的書。」
兩位都稱讚繼任人高祀仁係合適人選。呢位中聯辦新主任噚晚出席另一個國慶活動，對記者有問必答，連二十三條咁敏感嘅問題都唔迴避，值得一讚。
傳真︰2623-9278
電郵︰