阿Sa說老闆係第二個爸爸
楊受成台下紙巾抹淚

Twins的首次演唱會前晚圓滿結束，蔡卓妍（阿Sa）在台上多謝英皇老闆楊受成時，更大讚他是第二個爸爸，台下的楊受成亦感動落淚，但事後他只認是眼痕。楊受成在慶功宴上還分別親吻阿Sa和阿嬌（鍾欣桐）。

英皇二人女子組合Twins在紅館舉行一連三場的演唱會，前晚終圓滿結束。余文樂、徐濠縈、李克勤、英皇老闆楊受成和3T的鄭希怡、劉思惠及蔣雅文等都有往捧場。容祖兒、陳冠希（Edison）和薛家燕則任表演嘉賓。

「佢係全世界最好」
在前晚的尾場演唱會上，阿Sa和阿嬌逐一致謝時，二人都不禁抱頭痛哭，阿Sa說：「我好想多謝一個人，佢唔畀藝人咁講，由出道至今，佢都咁支持同鼓勵我哋，同佢傾偈，令我哋感覺到佢係全世界最好，希望呢個人唔好介意，呢個人係楊生（指楊受成），佢好似我第二個爸爸。」
台下的楊受成聽完阿Sa的心底話即感動落淚，還拿出紙巾拭淚。他及後在慶功宴上還輕吻阿Sa和阿嬌。阿Sa除了多謝楊受成外，還多謝爸爸，她說：「雖然我哋好少時間傾偈，但係佢依然寫紙仔畀我。」

多謝阿嬌遷就
阿Sa更表示自己從小到大都未做過甚麼轟轟烈烈的事情，如今在紅館舉行演唱會便可算在內，阿Sa亦多謝阿嬌：「我成日堅持原則，但你都好遷就我。」
楊受成在慶功宴上大讚Twins的表現好，他說：「個個藝人我都唔畀佢哋多謝我，我剛才抹眼係因為眼痕，至於阿Sa話我係第二個爸爸，佢哋擦鞋啫。」
問到楊受成怎樣獎勵二人，在旁的吳雨即謂要加她們人工。Twins表示這次演唱會賺取了數十萬歌酬，她們會把錢儲起來。
此外，Edison前晚上台時，阿Sa又拿阿嬌跟他的緋聞開玩笑，而Twins跑過去擁着Edison時，更令他不小心絆倒，場面搞笑，Twins事後向Edison表示不好意思。
採訪：李珮洳
攝影：仇志德