五、六十年代嘅「窈窕淑女」柯德莉夏萍，最近喺倫敦豔影重生！咁樣講可能誇咗啲，其實係萍姐在生時嘅心愛品牌Pringle，喺前晚倫敦時裝展裏面大出風頭。除咗萍姐，電影《亂世佳人》女主角慧雲李都係Pringle嘅擁躉。
呢個蘇格蘭傳統針織服裝品牌本來幾乎已經隨住萍姐長埋故土，直至最近竟然離奇復活，幫Pringle起死回生嘅係一位香港商人，估吓係邊個？
就係縱橫紡織界半個世紀嘅香港生產力促進局主席方鏗嘞。據英國《每日電訊報》講，曾經將馬莎百貨推上高峯嘅女強人KimWinser有日同方生共晉午膳嘅時候，提起Pringle呢隻老牌子，方生聽完之後話：「我會考慮收購，惟獨要你幫我打點。」二人一拍即合，終於令呢個有近兩世紀嘅品牌再有出頭天。方鏗重打算喺倫敦西部開間Pringle專門店㖭。
﹙圖﹚方鏗會喺倫敦西部開間Pringle專門店。
傳真︰2623-9278
電郵︰