賭王何鴻燊噚晚去一個文化藝術界搞的國慶酒會，俾港聞版記者問係咪要賣上海嘅物業，套現起港澳珠大橋。
賭王一聽到，火都嚟埋，話自己雖然有興趣投資，但係都唔使咁「低裝」賣樓，重反問八方行家話：「有冇搞錯！我衰到要賣樓至有得投資？」
點知火都未熄，轉頭又有名人版嘅記者提起麥舜銘。賭王話自己噚日見唔到佢，事關賭王係坐喺最高級嗰間房，如果第日撞見而麥舜銘同佢點頭，佢都會點吓頭嘅！咁咪即係一定要麥舜銘做主動？「梗係啦！我係舅父，天上雷公，地下舅公！」
﹙圖﹚賭王講到火都嚟埋。
傳真︰2623-9278
電郵︰