香港經常俾人話係石屎森林，但呢個大廈林立嘅森林裏面，原來有好多值得欣賞嘅自然景觀，郵政署推出一套四款嘅「香港岩石」特別郵票，就展現出四種唔同嘅奇岩異石，包括平洲嘅粉砂岩、赤洲嘅礫岩、破邊洲嘅凝灰岩，同埋南丫島嘅花崗岩。愛集郵者點可以錯過！
為令市民感受「岩石嘅感覺」，郵政署特別以熱熔印刷技術去增加郵票嘅立體感，呢種印刷方法喺墨水未乾透之前，鋪上一層熱熔粉，令你摸上手嘅時候有凹凹凸凸嘅感覺，都幾得意。
（圖）岩石郵票表面鋪咗熱熔粉，凹凹凸凸，好特別。
傳真︰2623-9278
電郵︰