建於五十年代的深水埗大坑東邨部份公屋將於短期內清拆，受影響的二百多戶貧困綜援長者卻無力支付新屋的基本裝修費用。有見及此，早前蘋果基金撥款資助香港聖公會基愛大坑東社區發展中心推行「安居樂業社區互愛計劃」，聘請失業工友助弱老解決搬遷裝修的困難。
「可以住到咁靚嘅屋，真係好驕傲，但係搵三行裝修間屋，起碼六、七百蚊一工，人工費咁貴，邊度畀得起。我諗住唔整間屋；後來知道有工人免費幫我裝修，梗係好開心，真係慳番好多錢㗎！」八十歲白髮蒼蒼的胡婆婆喜孜孜地說。
獨居的她，沒有結婚，從事家庭傭工五十多年，退休後，依靠生果金及僅餘的積蓄維生，須節衣縮食過活。在大坑東邨住了七年多的她，為幫補生計，每日大部份時間均會留在家中，從事「手作仔」工作，賺取微薄收入。
她坦言：「試過連續開工五個幾鐘頭，幫工廠穿吓牌仔，每個月都係賺二百幾蚊；經濟唔好，今年生意都少咗好多，搬屋之後，租又會貴幾百蚊，𠵱家好彩有義工幫我搬屋，減輕經濟負擔。」
關伯夫婦依靠微薄的綜援金過活，經濟緊絀。八十一歲的關伯患有痛風症多年，八十二歲的葉婆婆則從事清潔工作。數年前，關伯突然中風，她遂辭退工作，照顧其起居飲食。
患糖尿病的葉婆婆由衷地說：「其實知道有得搬屋，真係好擔心，唔知搵邊個幫；𠵱家有資助，唔使咁吃力。」她笑言：「我哋啱啱睇過間新屋，入面好光猛，廁所同埋廚房又夠大，窗都多幾隻，空氣應該會好啲。」
從事三行維修行業超過二十年、現年三十七歲的陳師傅表示，以往自資經營維修公司，因生意欠佳已結業，現失業多月。月前開始參與大坑東邨裝修工程的他喜形於色地說：「呢個計劃除咗幫到有需要嘅貧困長者之外，對於我哋班失咗業一段時間嘅工友嚟講，重可以推動番大家對工作嘅熱誠。」
蘋果日報慈善基金撥款三十一萬二千元，資助香港聖公會基愛大坑東社區發展中心推行「安居樂業社區互愛計劃」，幫助受大坑東邨重建影響的獨居長者裝修新居，包括：安裝光管、廁所架、窗簾及鋪膠地板等，改善生活環境，減輕貧困長者的經濟負擔。
此外，該計劃聘請深水埗區的失業工友，負責有關家居維修工程，讓他們重投勞工市場，重拾工作信心。
暖流熱線
電話：29908688
傳真：23702192
電郵：
網址：