80年代，還是十零歲的小記學人扮品味愛讀《號外》，記憶中黃源順曾說：男人衣櫃一定要有件Gap的PocketTee。自此，戀上Gap的口袋汗衣十多年。
自DutyFree唔再入Gap，要買Gap便要郵購（對此種買賣方式我認為好煩！），近日坊間友儕傳來Gap將ComeBack，於是乎四出打聽消息是否屬實。無錯！Gap大軍10月返嚟，地點是在尖沙嘴海洋中心即將開幕的超巨型MegaStoreLUX。
Gap成立於1969年（故有特為東洋市場而設的Gap1969，情形像極Polo的DoubleRL，玩Retro玩Vintage，款式型到爆！香港幾時有貨返？），是全球知名的服飾專賣店，在美國、加拿大、英國、法國、德國和日本均有基地，專售休閒服飾、個人護理用品及女裝、男裝及童裝。10月除Gap（旗下有GapAdult、GapKids、BabyGap、GapBody）之外，BananaRepublic和OldNavy亦同場會駕到；其中BananaRepublic針對中上階級的上班一族，以銷售中高價位的服飾為主，OldNavy則鎖定一般家庭用戶。老實講，Gap根本就係生活嘅創庫，香港點可以無佢！
記者：陳嘉文