喜歡享受5.1音效的音響發燒友，相信唔多唔少都曾經俾家人或隔籬鄰舍投訴過爆機聲量太大；又或者在夜闌人靜時，望住套Hi-Fi而唔敢開機的苦況！𠵱家情況有變啦！因為Pioneer全球首部DolbyHeadphoneE-DIR1000C經已抵港，佢可以讓你在完全唔影響其他人情況下，用一個紅外線耳筒模擬出極度像真的5聲道效果！
記者：朱崇德 攝影：林栢鈞
$3,280
華仁會電器
地址：旺角花園街75-77號花園大廈5-6樓
電話：23980280
PioneerSE-DIR1000C是全球首部DolbyHeadphone，由杜比實驗室和澳洲Lake共同開發，佢可以讓用家透過立體聲耳筒，模擬出極度逼真的5聲道環迴立體聲效果！
其音效處理能力亦非常強，基本擁有現時最流行的杜比數碼、杜比數碼EX、dts、dts-ES、PCM及杜比ProLogicII的音源處理功能，所以不論你是使用光纖線作數碼音效輸入，還是使用音頻線（俗稱紅白線）的模擬訊號輸入，都可以用一個耳筒模擬出完美的5聲道聲效！
由於是無線耳筒，相信最多人關心的將會是主機和耳筒的訊號傳輸制式。
主機最高可對應24bit的數碼訊號輸入，然後再以一種名為「非壓縮性數碼紅外線」，將音效訊號由主機傳送至耳筒之上，這種紅外線的好處是令音效失真率大大降低，並確保音質高度純淨，而且亦唔似一些無線耳筒咁，容易受到大氣電波所干擾！可接收範圍大約為正面10米，而礙於紅外線的收發特性，紅外線訊號受到外物阻隔時，會出現冇聲情況，大家需留意此點。
耳筒部份以全金屬物料製造，外形設計夠靚又富質感，筆者最喜歡是耳筒使用了雙活動關節設計，戴在頭上時完全和頭形脗合，再加上防漏聲的包邊使用了特別梳氣物料，就算長期佩戴都唔會覺得熱，增強舒適度。
揚聲器使用了特大的50mm喇叭單元，響應頻率由10Hz至24KHz，低音表現迫力十足！電源使用兩枚AAA充電池，耳筒閒置一段時間會自動關機，每次充電可使用20小時，設計非常細心！
杜比ProLogicII非常有用，接駁上一般MD、Discman、電腦或家用遊戲機，都可以將兩聲道變成環迴立體5聲道效果！而且空間包圍感非常強烈，筆者用以上舊器具聽歌打機，真係從未試過有呢種咁靚聲效體驗！
只可惜價錢要成$3,280，並唔係一般人玩得起；使用範圍10米的限制，唔可以戴住通屋走，亦是重要考慮因素。