Shine與Twins因為合作拍戲成為了好朋友，而前晚Shine更到了紅館為Twins個唱擔任嘉賓，但他們所屬的EMI唱片公司據聞為此極為不滿，更向Shine作出投訴。
二人女子組合Twins前晚舉行第二場演唱會，捧場嘉賓有何鴻燊四姨太梁安琪、楊受成太太等，除師兄王傑外，Shine亦應Twins邀請擔任個唱嘉賓，由於Shine和Twins曾合作拍了《這個夏天有異性》和《一碌蔗》兩片，所以他們私底下交情不俗。
但Shine所屬的EMI唱片公司，早前為了旗下女子組合Cookies與Twins的不和事件，而與英皇娛樂存有芥蒂，而Shine在未經唱片公司同意下為Twins個唱做嘉賓，據悉EMI方面很不滿。
昨日記者聯絡了EMI的負責人陳志光，他在電話中表示：「Shine雖然係EMI嘅歌手，但佢哋為Twins做演唱會嘉賓，我哋係完全唔知情，因為英皇冇搵過唱片公司請Shine做嘉賓，佢哋做Twins嘉賓，唱片公司根本控制唔到。其實英皇都搵人聯絡過Cookies，不過就唔清楚搵佢哋睇演唱會定係做嘉賓，不過Cookies唔得閒，所以推咗。」
Shine昨日在沙田新城市廣場出席活動，他們對於唱片公司不滿顯得很愕然，兩位成員黃又南和徐天佑異口同聲說：「我哋幫Twins做嘉賓，係因為大家合作拍完戲，成為咗朋友，雖然係經理人公司安排我哋做Twins演唱會嘉賓，但唱片公司應該知情。」
而前晚在Twins個唱中，有歌迷被水樽擊中頭部，即時被送入院，昨日Twins經理人霍紋希表示：「當時係有啲水樽要嚟壓住啲氣球，後來放啲氣球落嚟時，連水樽都跌埋落嚟，我哋慰問咗個傷者，對方冇乜大礙。」